Almatylyq oqýshy álemniń 9 ýnıversıtetinen shaqyrtý aldy
ALMATY. QazAqparat - Almaty qalasynyń hımııa-bıologııa baǵytyndaǵy Nazarbaev zııatkerlik mektebiniń 12-synyp oqýshysy Nargız Seısek álemniń toǵyz ýnıversıtetinen birdeı shaqyrtý aldy, dep habarlaıdy QazAqparat mekteptiń baspasóz qyzmetine silteme jasap.
Tolyq bilim berý grantyn Nargızge Hong Kong Baptist University jáne Lawrence University usynyp otyr. Sondaı-aq, zııatkerge alty amerıkalyq joǵary oqý oryndary jeńildik berýge daıyn.
Nargızdyń portfolıosy hımııa páninen respýblıkalyq, jelilik olımpıadalardyń júldeli oryndary men medaldaryna, sondaı-aq ǵylymı baıqaýlardaǵy jetistikterge toly.
«Men barlyq jerde Chemical Engineering fakýltetin tańdaımyn. Hımııaǵa degen mahabbatty mende 10 synypta myqty ustaz Záýre Dilmanova oıatty. Ustazym meni olımpıadaǵa jáne ǵylymı jobalarǵa qatysýǵa antalandyrdy. Zııatkerlik mektebindegi ustazdarymnyń arqasynda men osyndaı jetistikke qol jetkizdim. Hımııa salasynyń keleshegi zor. Men elimizde osy baǵytta óndiristerdi damytýǵa at salysamyn», - deıdi Nargız.
Aıta keterligi, bolashaq túlek UNESCO klýbynyń belsendi qatysýshysy retinde UNESCO jáne Model United Nation on shaqty sessııasyna Zııatkerlik mekteptiń atynan qatysyp, úzdik spıker jáne úzdik delegat ataǵyna ıe bolǵan.
