Almatylyq mektepterdiń 7168 túlegi úshin «Sońǵy qońyraý» soǵyldy
ALMATY. QazAqparat - Bıyl Almatyda 7168 oqýshy mektep bitirip, úlken ómirge joldama aldy.
Túlekterdiń qýanyshyn bólisý úshin Sh. Ýálıhanov atyndaǵy №12 gımnazııada ótken sońǵy qońyraý saltanatyna qala ákimi Ahmetjan Esimov qatysty. Shahar basshysy olarǵa sát-sapar tilep, Almaty qalasynyń elimizdegi róli men mańyzyn aıryqsha atap ótti.
A.Esimov bıylǵy túlekter de joǵary nátıje kórsetip, ustazdardyń eńbegin aqtaıtyndyǵyna úmit artty.
«Elimizdiń Prezıdenti mektep túlekteri úsh tildi erkin meńgerýi tıis ekenin jáne Qazaqstannyń otansúıgish azamaty bolýy kerek dep atap ótýde. Búgingi kún árqaısylaryńyz úshin jańa joldyń bastaýy bolyp tabylady. Sizder ata-analaryńyzdyń, oqytýshylardyń úmitin aqtaısyzdar dep senemin»,-dedi A. Esimov.
Sonymen qatar ol bıyl Almatyda «Bilimdi damytý jyly» jarııalanǵanyn aıta kele, «Sońǵy alty jylda Almatyda 45 oqý oryndary ashyldy. Onyń 14-i jańa mektepter»,-dedi.
