Almatylyq mektep bitirýshiler baıqaý synaqtarynan tegin ótti

ALMATY. QazAqparat - «Bilim jáne mansap» halyqaralyq konferentsııasy aıasynda Ulttyq testileý ortalyǵy Almaty qalasynda mektep túlekteri úshin tegin baıqaý synaqtaryn ótkizdi. 23-25 qarashada ótken sharaǵa 2 500 astam joǵary synyp oqýshysy qatysty, dep habarlaıdy QazAqparat.

Joǵary synyp oqýshylaryn UBT-2023 jańalyqtarymen tanystyrý maqsatynda Almatyda tegin baıqaý synaqtary uıymdastyryldy. Kez-kelgen bala qalaýy boıynsha baıqaý synaǵynan ótip, óz bilimin tekserýge múmkindik aldy.

«Baıqaý synaǵyn ótkizý negizgi UBT tehnologııasyna sáıkes keledi. ıAǵnı, talapkerlerge bıyl IT-mamandyqqa túsý úshin mindetti bolyp tabylatyn «Matematıka-Informatıka» pánderiniń kombınatsııasy qoljetimdi boldy. Sonymen qatar bolashaq stýdentter test tapsyrmalarynyń ózgertilgen qurylymymen de tanysty», – dedi QR ǴJBM Ulttyq testileý ortalyǵynyń dırektory Rýslan Emelbaev.

Sonymen qatar konferentsııa aıasynda UTO basshysy almatylyq oqýshylarmen kezdesip, UBT-2023 ózgeristeri týraly túsindirý jumystaryn júrgizdi.