Almatylyq mamandar dinı ekstremızmdi aldyn alýdyń jańa formatyna kóshpek
Sharany QR dinı ekstremızm men terrorızmge qarsy is-qımyl jónindegi 2018 – 2022 jyldarǵa arnalǵan memlekettik baǵdarlama aıasynda Qoǵamdyq damý basqarmasynyń «Monıtorıng jáne taldaý ortalyǵy uıymdastyrdy.
Qatysýshylar bıylǵy jumys baǵytynyń naqty maqsatyn aıqyndaý úshin Qoǵamdyq damý basqarmasyndaǵy ózgeristerdi eskere otyryp, jumystyń formasy men ádis tásilderine, jumys sapasyn jaqsartý boıynsha usynystar engizip, júrgiziletin sharalardyń tıimdiligin talqylady.
«Aqparattyq túsindirý tobynyń (ATT) qyzmeti jergilikti atqarýshy bılik pen Quqyq qorǵaý organdary, memlekettik kásiporyndar men memlekettik emes uıymdarmen, dinı birlestiktermen birige jasalǵan jumys negizinde júzege asyrylady. Osy maqsatta Almatyda jyl basynan beri alǵashqy jartyjyldyqta 152 kezdesý uıymdastyrǵan. Onyń ishinde áskerı qyzmetkerler arasynda - 12, stýdenttermen - 4, kolledj stýdentterimen - 18, mektep oqýshylarymen – 66, ata-analarmen – 1, oqytýshylarmen -1, óz-ózin jumyspen qamtyǵan adamdarmen – 13, eńbek ujymdarymen – 7, meshit, shirkeý kelýshilerimen – 20, densaýlyq saqtaý salasy mamandarymen – 5 kezdesý, TJD qyzmetkerlerimen 1 kezdesý uıymdastyryldy. 1 dóńgelek ústel, 2 jańa formattaǵy is-shara, 36 dáris oqylyp, 34 semınar barlyǵy, 225 shara ótti. Jalpy alǵanda bul sharalarda 46978 adam qamtyldy. Sonymen qatar, bıyl onlaın saýalnama ádisi qoldanylýda. Bul tyńdaýshylarmen keri baılanys ornatý úshin uıymdastyrylyp otyr», - dedi Monıtorıng jáne taldaý ortalyǵynyń bólim meńgerýshisi Aıekeshov Nurbolat.
Almaty qalasy Qoǵamdyq damý basqarmasynyń monıtorıng jáne taldaý ortalyǵy jyl aıaǵyna deıin 600-den astam shara uıymdastyrmaq. Jalpy sany 100 myńnan asa adam qamtý josparlanýda. Bul is-sharalar qalamyzdyń barlyq áleýmettik toptaryn qamtıdy. Jalpy bilim berý mekemeleri oqýshylaryna, orta arnaıy, joǵary oqý oryndary stýdentterine jáne de destrýtıvtik aǵym ókilderi kóp shoǵyrlanǵan saýda keshenderinde basym kópshilik sharalar júrgiziledi.
Sonymen qatar, basqarma basshysy Dıas Esdáýletov basqarmanyń dinı ekstremızm men terrorızmdi aldyn alý boıynsha jumystyń jańa formatyna kóshetinin aıtty.
«Búginde turǵyndar arasynda destrýktıvti dinı ekstremızm ıdeologııasynyń taralýy basty problema bolyp otyr. Qoǵamda radıkaldy qubylystarǵa tózbeýshilikti qalyptastyrý maqsatynda dinı ekstremızmniń aldyn alý boıynsha basqarma tarapynan birqatar sharalar kesheni qolǵa alynǵan. Dinı ekstremızm ıdeologııasy dinniń abyroıyna daq keltirip, konfessııaaralyq qatynasqa, qoǵamdyq kelisimge nuqsan keltireri sózsiz. Bul derttiń aldyn alý ulttyq qaýipsizdik máseleleriniń basty mindetteriniń biri. Basqarmanyń jumysy din salasyndaǵy memlekettik saıasattyń basym baǵyttarymen mazmundas. Keler jyldan bastap aqparattyq túsindirý tobynyń jumys formatyn ózgerteıik dep josparlap otyrmyz. Sońǵy 2-3 jylda kóbinese jalpylama túsindirý jumystaryn júrgizip keldik. Bul jumystar úlken ujymdarda ótetin. Endi kelesi jyldan bastap kishi toptarmen jumysty qolǵa alý maqsat bolyp otyr.
Sondaı-aq, Qoǵamdyq damý basqarmasy janyn qurylǵan aqparattyq túsindirý tobynyń úzdik músheleri marapattaldy.
Tyńdaýshylardyń pikirine sáıkes 1-orynǵa QazUÝ-dyń Fılosofııa jáne saıasattaný fakýltetiniń oqytýshysy, fılosofııa ǵylymdarynyń kandıdaty Jekebaeva Maqpal laıyq dep tabylsa.
2-oryndy fılosofııa ǵylymdarynyń kandıdaty, dotsent Zarema Abdýllına ıelendi.
3-oryn «Zarıa vostoka» meshitiniń bas ımamy Ahmetov Qazbekke buıyrdy.
