Almatylyq qyzdy tanysy shymkenttik jeńgetaılarǵa satyp jibergen
ShYMKENT. QazAqparat - Almatylyq qyzdy jigiti shymkenttik jeńgetaılarǵa satyp jibergen. Sóıtip birneshe aı boıy jynystyq qatynasqa túsýge májbúrlepti, dep habarlaıdy QazAqparat HAA tilshisi.
Belgili bolǵandaı, 27 jastaǵy Vıktorııa bir jigitpen tanysyp, oǵan turmysqa shyqpaq bolady. Kúıeýsymaq jigit oǵan úılenetinin aıtqan. Arada on kún ótken soń Almatydan aldap alyp ketip, Shymkenttegi tanysyna puldapty. Al, jeńgetaılar bolsa qyzdy uryp-soǵyp, jezókshelikke májbúrlegen. Adam tózgisiz qıyndyqqa tap bolǵan almatylyq turǵynǵa amalsyz tán saýdasymen aınalysýǵa týra kelipti. Jeńgetaılar tipti týystarymen sóılestirmeı, birneshe aı boıy qınap ustaǵan.
Dese de, Vıktorııaǵa jergilikti turǵyndar kómek kórsetken. Ony erkinen tys keleńsiz jaǵdaıǵa baryp júrgenin baıqap qalǵan jandar der kezinde polıtsııaǵa habar beredi. Qazir, óńirdiń ishki ister qyzmetkerleri jábirlenýshini adam jáne tán saýdasyna salǵandardyń qylmystyq áreketin tekserýde. Al, jigitine aldanyp qalǵan qyzben áıelderge quqyqtyq kómek kórsetetin «Sana sezim» ortalyǵynyń psıholog mamandary aınalysyp jatyr.
Aıta keteıik, bıylǵy jyly atalǵan ortalyqqa adam saýdasynyń qurbany bolǵan taǵy 8 áıel men 4 bala kómek surap kelipti . Olarǵa ortalyq mamandary quqyqtyq keńes berip, ońaltý jumystaryn júrgizýde.
