Almatylyq qyzdy Ońtústik Koreıaǵa jynystyq quldyqqa jibermek bolǵan adam ustaldy
ALMATY. QazAqparat – Almatyda 24 jastaǵy qyzdy Ońtústik Koreıaǵa jynystyq quldyqqa májbúrlep jibermek bolǵan kelinshek ustaldy, dep habarlaıdy QazAqparat tilshisi.
Qalalyq Polıtsııa departamentiniń baspasóz qyzmeti habarlaǵandaı, polıtsııaǵa áıel adam júgingen.
Onyń aıtýynsha, 24 jastaǵy qyzyn bir áıel Ońtústik Koreıaǵa jynystyq qyzmet jasaýǵa májbúrlegen eken.
«Bul derek QR QK 308-babymen sotqa deıingi biryńǵaı tergeý isi reestrine tirkeldi. Bizdiń bólimshe qyzmetkerleri jedel sharalardy atqaryp, nátıjesinde 31 jastaǵy áıel ustaldy. Qazir kúdikti qamaýda otyr. Tergeý jumystary barysynda áıelderdi shetelge jiberý tetigi men oǵan qatysty adamdar anyqtalady», - dedi qalalyq Polıtsııa departamentiniń Krımınaldy polıtsııa basqarmasynyń basshysy Esen Ysqaqov.
