Almatylyq qyzdar tarazdyq basketbolshy qurbylaryn 84:50 esebimen utty
ALMATY. 2 naýryz. QazAqparat - Keshe Almatydaǵy «Dostyq» sport kesheninde basketboldan Ulttyq lıgadaǵy áıelder komandalary arasyndaǵy HH Qazaqstan chempıonatyny aıasynda «Almaty» men «Taraz» komandalary kezdesti.
Aǵa bapker Oksana Antıpova men Oksana Bekbýlatova jattyqtyratyn almatylyqtar qarsylastaryn 84:50 esebimen utty. Kezdesýdyń birinshi kezeńi 16:16 bop aıaqtalǵan. Olar ekinshi kezeńde 22:6, úshinshi kezeńde 20:18, tórtinshi kezeńde 26:10 esebimen aıqyn basymdyqpen jeńip shyqty. Bul 7-jeńis. Almatylyqtar buǵan deıin 6 oıynda basym túsip, 14 kezdesýde jeńilis tapqan edi. Al bul jolǵy qarsylasy osymen 19-ret qarsylastarynyń basymdyǵyn moıyndap otyr.
