Almatylyq qutqarýshylar sýǵa batyp bara jatqan qyzdy qutqardy
ALMATY. QazAqparat - Almatyda sýǵa batyp bara jatqan 9 jastaǵy qyz qutqaryldy. Tótenshe jaǵdaı keshe túski 14:00 shamasynda bolǵan. Bul týraly qalalyq TJD-nyń baspasóz qyzmeti habarlady.
Almaty áýejaıy mańyndaǵy kólge birneshe bala shomylýǵa kelgen.
Respýblıkalyq jedel qutqarý jasaǵynyń kezekshisi Aıdos Muhametjanov «Kishi Almaty kóliniń» munarasynan baqylap otyrǵanda kól jaǵalaýynda shýlap júgirgen balalardy kórgen.
1 mınýt óter ótpesten qutqarýshy súńgýir ıÝshkov Dmıtrıı 9 jastaǵy qyzdy sýdan alyp shyqty.
№89 mekteptiń 3 synyp oqýshysy Kozelkova Svetlana júzý bilmeıdi eken. Jaǵalaýda júrgende aıaǵy taıyp ketip, sýǵa qulaǵan.
Qalalyq TJD shomylý maýsymynda azamattarǵa abaı bolýdy eskertedi. Kishi Almaty kólinde qazir RJQJ qutqarý jasaǵy baqylaý jasap otyr.
