Almatylyq qutqarýshylar Naýryzbaı aýdanyndaǵy ózen arnalarynan 200 tekshe metrden astam qoqys shyǵardy
ALMATY. QazAqparat - Almatyda «109» qyzmetiniń qutqarýshylary Naýryzbaı aýdanyndaǵy Qarǵaly ózeni arnasynan 252 tekshe metr batpaq shyǵardy. Bul týraly qalalyq Qutqarý qyzmetiniń baspasóz qyzmeti habarlady.
Kóktemgi tasqyn mezgili kezindegi jeke turǵyn úılerdi sý basý qaýpiniń aldyn alý úshin «109» Qyzmetiniń qutqarýshylary Naýryzbaı aýdanyndaǵy Qarǵaly jáne Tastybulaq ózenderi arnasyn tazalap jatyr.
Aýyr ınjenerlik tehnıka kómegimen ózen arnasynyń túbi tereńdetiledi de, jaǵany bekitý jumystary júrgizilýde. Ózen jaǵalaýyndaǵy qulaýy yqtımal butaqtar kesilip jatyr.
Tastybulaq ózeni arnasynan 6 tekshe metr qoqys shyǵaryldy.
Osy tektes jumystar Tájıev, Qarybaı aqyn kósheleri boıymen, Aqjar yqshamaýdanynda Abaı k-si, Aksaıskaıa k-niń qıylysynda jáne «Veteran» baǵbandyq qoǵamynda júrgizilýde. 26 jeke quram adamy men 16 tehnıka jumyldyryldy.
