Almatylyq konkımen júgirýshi kópsaıys boıynsha el chempıonatynyń kúmis júldegeri atandy
ALMATY. 29 jeltoqsan. QazAqparat /Erlik Erjanuly/ - Almatylyq Irına Shýmıhına Astanada ótken konkımen júgirýden klassıkalyq kópsaıysta Qazaqstan chempıonatynyń kúmis júldegeri atandy.
Onda áıelder arasynda da, erler arasynda da qyzyljarlyq sportshylar chempıon atandy. Atap aıtqanda áıelder arasynda júldeli oryndardy qyzyljarlyq Elena Ýrvantseva, almatylyq Irına Shýmıhına jáne astanalyq Olga Jıgına ózara bólisti. Al erler arasynda qyzyljarlyq Dmıtrıı Babenko birinshi, semeılik Evgenıı Nazarenko ekinshi, astanalyq Vıtalıı Malgınov úshinshi oryn aldy. Onda sondaı-aq, 4 qashyqtyqta jınaǵan upaı sany boıynsha D.Babenko 2010 jyly naýryzdaǵy Artem Beloýsovtyń el chempıonatyndaǵy rekordyn jańartty.
Endi olar 7-8 qańtarda Astanada bolatyn jeke qashyqtyqtaǵy Azııa chempıonaty men kópsaıystaǵy Álem chempıonatynda el namysyn qorǵamaq. Vadım Saıýtın jattyqtyratyn ulttyq qurama bul dúbirli dodaǵa daıyndyǵyn 2 qańtarda bastamaq.
