Almatylyq komandalar jaǵajaı voleıbolynan el chempıonatynda úzdik shyqty
ALMATY. Qyrkúıektiń 6-sy. QazAqparat /Erlik Erjanuly/ - Almatyda jaǵajaı voleıbolynan erler men áıelder komandalary arasynda XIV Qazaqstan chempıonatynyń 3-shi aqtyq týry márege jetti,
dep habarlaıdy QazAqparat QR Voleıbol federatsııasyna silteme jasap.
Úsh kúnge sozylǵan bul baıraqty básekede almatylyq erler men áıelder komandalary ózderiniń chempıondyq ataqtaryn saqtap qaldy. Erler arasynda 1-3 oryndy almatylyq «Telekom-Ushqyn-Iskra 1» (Aleksandr Dıachenko men Alekseı Sıdorenko), «Merıdıan» (Sergeı Polzıkov pen Mıhaıl Perevertov), «Telekom-Ushqyn-Iskra 2» (Dmıtrıı ıAkovlev pen Denıs Rovkın) komandalary ózara bólisti. Al áıelder arasynda birinshi oryndy almatylyq «SKPV 1-SShVSM» (Tatıana Mashkova men Irına Tsımbalova), ekinshi oryndy aqtaýlyq «Kaspıı 1» (Marına Pılıpenko men Baqtygúl Samalıkova), úshinshi oryndy almatylyq «Almatınochka-SKPV-2» (Lıýdmıla Isaeva men Inna Rahmatýlına) komandalary ıelendi.
Jalpy bul komandalar buǵan deıin tamyzdyń 27-29 kúnderi Aqtaýda ótken Qazaqstan kýbogy jarysynda da sátti óer kórsetti. Onda almatylyq «Telekom-Ushqyn-Iskra 1» komandasy birinshi, aqtaýlyq «Kaspıı-1» ekinshi, al almatylyq «Telekom-Ushkyn-Iskra 2» úshinshi oryn aldy. Áıelder arasynda 1-2 oryndy almatylyq «Almatınochka-VKPV-1» men «Almatınochka-VKPV-2» bólisse, aqtaýlyq «Kaspıı-1» úshinshi orynǵa taban tiredi.
