Almatylyq kolledj stýdentteri el áskeriniń búgingi tynys-tirlishigimen tanysty
ASTANA. QazAqparat - Áskerı qyzmetshiniń kásibi, turmysy, qyzmeti jáne áskerı joǵary oqý oryndary kýrsanttarynyń oqý úderisimen tanysý, Qarýly Kúshterdiń áskerı qyzmetshisi degen jastardyń qyzyǵýshylyǵyn oıaty maqsatynda Almaty qalasyndaǵy Basqarý jáne naryq kolledjiniń stýdentteri Qurlyq áskerleriniń Áskerı ınstıtýtyna serýen uıymdastyryldy, dep habarlaıdy elimizdiń Qorǵanys mınıstrliginiń baspasóz qyzmeti.
Stýdentter kýrsanttardyń kazarmasynda, oqý korpýstarynda, mádenı-tynyǵý ortalyǵynda bolyp, jaýyngerlik áskerı tehnıka men qarý-jaraqtyń shynaıy úlgilerin tamashalap, kýrsanttar jattyǵyp júrgen trenajerlardy, sporttyq qurylǵylarmen tanysty.
Jas órender sonymen qatar Qurlyq áskerleri Áskerı ınstıtýtynyń qurylǵan kezinen bastap, qazirgi ýaqytqa deıingi onyń dástúri men tynys-tirshiliginen jan-jaqty habar beretin áskerı joǵary oqý ornynyń murajaıynda boldy.
Serýen barysynda jastar ózderin tolǵandyrǵan áskerı salasy men áskerı qyzmetke baılanysty saýaldaryn qoıyp, olarǵa nanymdy jaýap aldy. Qorǵanys salasynyń ókilderi elimizdiń jastarynyń daqty qolbashylardyń ómiri men ásker salasynda qyzmet etip júrgen qaısar uldardyń ómirimen tanysa otyryp, olardyń áskerge degen qyzyǵýshylyqtary artyp, Otan aldyndaǵy boryshyn óteýge degen jaýapkershilikteri jetile túsetindigine senimdi.
