Almatylyq kóligine tastap ketken 9 mln teńgesinen aırylyp qaldy
ALMATY. QazAqparat - Almatylyq kelinshek kózdi ashyp jumǵansha 9 mln teńgesinen aırylyp qaldy, dep habarlaıdy QazAqparat tilshisi.
Áıel sómkesin kóliginde qaldyryp ketken. Ol syrtta bolǵanda belgisiz bireýler kóliktiń terezesin syndyryp, sómkeni úptep ketken.
«Kúdiktilerdiń kim ekeni anyqtaýǵa asa kóp ýaqyt kete qoıǵan joq. Qazir olardyń ekeýi ustaldy. Qalǵan ekeýine izdeý jarııalandy. Kúdiktiler Shyǵys Qazaqstan oblysynyń týmalary bolyp shyqty. Olardyń biri Almaty oblysynda ustalsa, ekinshisi Alataý aýdanynda tyǵylyp júrgen jerinen ustaldy», - dedi qalalyq Qylmystyq polıtsııa basqarmasynyń basshysy Esen Ysqaqov.
Aıta ketý kerek, olar buryn da urlyq úshin isti bolǵan.
Munyń aldynda osy tektes qylmys Túrkistan oblysynda bolǵan. Ol kezde de urylar kólikten 9,5 mln teńgeni alyp ketken.
Illıýstratsııalyq foto
