Almatylyq kelinshek Túrkııada merziminen buryn bosanyp qaldy
«28 maýsymda kúıeýim, qaıyn atam úsheýimiz Túrkııaǵa ushyp kettik. Sol kezde júktiligime 24 apta tolǵan. Ushaqpen ushqanda eshqandaı problema bolǵan joq. 29-30 maýsym aralyǵynda jaǵdaıym nasharlap ketti. Іshim qatty aýyrdy. Jedel járdem kelmedi, onyń ornyna jaı kólik keldi», - dedi kelinshek.
Kelinshek aýrýhanaǵa bara jatqanda jolda janarmaı quıý stansasynda bosanyp qalǵan.
«Sol kezde maǵan jedel járdem shaqyryldy. Men kórgenimde bala tiri edi. 700 gramdyq shaqalaqty ınkýbatorǵa salyp, Antalıaǵa jiberdi. Al men gınekologııa bólimine jattym», - dedi kelinshek.
Túrik dárigerleri otbasynan 3,5 myń AQSh dollaryn tóleýdi talap etken.
«Balany bizge kórsetpedi. Ony arzanyraq aýrýhanaǵa jiberdi. Kúıeýime eger aqy tólemeseńder, tólqujattaryńdy tartyp alyp, syrtqa bir adamdy ǵana jiberemiz dedi. Biz qolymyzda bolǵan 1,5 myń dollardy berdik», - dedi Darıa Vasıleva.
Qazaqstan azamattary kelgen soń Túrik konsýldyǵyna habarlasyp, balasynyń jaǵdaıyn bilmek bolǵan.
17 shildede Darıaǵa Qazaqstannyń Antalıadaǵy ókili habarlasyp, tóleıtin aqsha joq bolsa, baladan bas tartýy kerektigin aıtqan.
Qazaqstanǵa ushý ýaqyty taıap qalǵan soń amal joq balany tastap ketýge májbúr bolǵan.
25 shildede olardyń Túrik aýrýhanasyna bereshegi 15 myń AQSh dollaryna jetken.
QR SІM baspasóz qyzmeti habarlaǵandaı, áıel bosanǵan soń balasyn qaldyryp kete bergen.
«Bala shala týǵandyqtan, oǵan óte qymbat kútim kórsetilip jatyr. Túrik dárigerleriniń aıtýynsha, otbasy balanyń eminen bas tartyp, baılanys telefondaryn qaldyrmaı kete bergen», - dedi baspasóz qyzmetinen.
Quzyrly organ habarlaǵandaı, balanyń ata-anasy Qazaqstanǵa kelgen soń Túrkııa konsýldyǵynan balanyń ólgeni týraly anyqtama suratqan.
«Bala qazirgi tańda sol aýrýhanada jatyr. Jaǵdaıy birqalypty jaqsy, tek áli de kútim qajet etedi. Balanyń ata-anasy balany aldyramyz dese, qujat jaǵynan kómektesýge daıynbyz», - dedi QR SІM baspasóz qyzmeti.