Almatylyq kelinshek tórt aı boıy ul emes, qyz bosanǵanyn dáleldeı almaǵan
ALMATY. QazAqparat - Almatylyq kelinshek bosanǵan qyzynyń ul emes ekenin aılar boıy dáleldeı almaǵan. Sebebi, sábıdiń qujatyn perzenthanadaǵylar durys toltyrmaǵan, dep habarlaıdy QazAqparat tilshisi.
«Nur Otan» partııasy baspasóz qyzmetiniń málimetinshe, partııanyń Almaty qalalyq fılıalyna Maqpal Nurlan esimdi kelinshek №3 qalalyq perzenthanaǵa shaǵymyn aıtyp habarlasqan.
Ol 2021 jylǵy 29 qyrkúıek kúni dúnıege kelgen qyzynyń jynysyn perzenthana qyzmetkerleri aqparattyq bazaǵa «ul» dep qate tirkep jibergen aıtty.
Qate jasalǵanyna 4 aı ýaqyt ótse de, ózgeris engizý jumysy nátıjesin bermegen.
«Nur Otan» partııasy Almaty qalalyq fılıaly qalalyq máslıhat depýtaty Ásııa Aqanovamen birlesip QR Densaýlyq saqtaý mınıstrliginiń aqparattyq bazasyndaǵy qatelikti túzetý boıynsha jumysy nátıjesin berdi. Partııaǵa habarlasqaly 10 kún ishinde qyzdyń anasy týý týraly kýálikti qolyna alyp otyr. Atalǵan jaıtqa uqsas máseleler boıynsha partııaǵa azamattar jıi habarlasady, barlyq ótinishter partııanyń baqylaýyna alynyp, tıisti sharalar atqarylady»,- dep habarlady partııanyń baspasóz qyzmeti.
Mysaly, qazirgi sátte qaladaǵy bir mekeme esepshisiniń qateliginen náresteniń anasy bala týýǵa jáne bala kútimi boıynsha járdemaqyny jarty jyldan beri ala almaı júr.
