Almatylyq kelinshek shujyqtyń arasynan plastmassa taýyp aldy
ALMATY. QazAqparat - Almatylyq áıel satyp alǵan shujyqtyń ishinen plastmassanyń bir bóligin taýyp aldy, dep habarlaıdy QazAqparat tilshisi.
Áıel shujyqty Tastaqtaǵy fırmalyq dúkenderdiń birinen alǵan.
Satyp alýshy úıine kelip shujyqty týraı bastaǵanda ishinen kók tústi plastmassanyń bóligi shyqqan. Bul týraly tutynýshy áleýmettik jelide bólisken.
«Olar alypsatar emes, ózderi óndiredi. Qalaısha bulaı boldy? Endi olardyń dúkeninen ónim almaımyn», - dedi kelinshek.
Tutynýshynyń bul shaǵymyna qatysty óndirýshi kompanııa resmı jaýap qatty. Óndirýshiler bul oqıǵaǵa baılanysty tekserý júrgizbek.
«Biz mindetti túrde zertteý júrgizip, anyqtaıtyn bolamyz. Bul shynymen bizdiń shushyq óniminiń ishinen shyqty ma? Ol ne nárse? Onyń bárin kózbe-kóz kórý arqyly anyqtaımyz. Óıtkeni, kóp jaǵdaıda baqtalastar ónimniń sýretin jarııalap, aqparatty burmalaýy múmkin. Biraq, biz bul ónimdi túgel úlken otbasymyzben jep júrmiz. Ondaıdy kezdestirmedik. Alaıda, óndiriste belgili bir aqaýlar bolýy múmkin. Ony birden túzeýge tyrysamyz. Bul jerde óte salmaqty shaǵym aıtylyp otyr. Osy ónimdi sýrettegi kúıinde bizdiń zerthanaǵa ótkizý kerek. Biz zertteý júrgizýge daıynbyz», - dedi Alımpıev kompanııasynyń ókili.
