Almatylyq Qazaqstan tarıhynda alǵash álemdik bodıbıldıngtiń RRO lıgasyna endi
ASTANA. QazAqparat - Sergeı Sereşev Arnold Classic Europe 2017 chempıonatyna daıyndyq kezinde Pro card IFBB-ny ıelendi, dep habarlaıdy QazAqparat.
Belgili bolǵandaı, atlet Halyqaralyq bodıbıldıng federatsııasyndaǵy barlyq eńbegi úshin sportshylardyń kásibı lıgasyna kirdi. Sportshy alǵan marapattardyń arasynda Qazaqstan chempıonattaryndaǵy jeńister, Azııa elderi jarystaryndaǵy júldeleri, sondaı-aq Arnold Classic Europe 2015 chempıonatynda «klassıkalyq bodıbıldıng» sanatynda úzdik bolǵandyǵy qamtylǵan.
IFBB-niń Qazaqstandaǵy resmı ókili Aleksandr Kolıýkanyń sózine qaraǵanda, qazaqstandyq sportshyny bodıbıldıngtiń kásibı lıgasyna qosý boıynsha sheshim eleýli eńbektiń nátıjesinde múmkin boldy. IFBB-niń PRO lıgasyna qol jetkizý uzaq kelissózder nátıjesinde usynyldy.
Osy oraıda Pro card IFBB-ni alý úshin birinshi kezekte Federatsııa quramynda bolýy kerek jáne respýblıkalyq jáne álemdik deńgeıdegi jarystarda jeńiske jetý qajet. Tek sodan keıin ǵana lıgaǵa kirý boıynsha kelissózder júrgizý múmkin bolady.
Aıta keteıik, bodıbıldıngtiń PRO lıgasy sportshylaryna iri kompanııalar men brendter demeýshilik jasaıdy. Kásibı týrnırlerge qatysý men odan jeńiske jetkennen túsken gonorarlar sportshyǵa jylyna kem degende 100 000 AQSh dollary somasynda tabys ákeleýi múmkin.
Qazaqstan bodıbıldıng federatsııasynyń málimetinshe, búginde almatylyq atlet Sereşevke kelisimshart jasaýǵa usynystar túse bastady.
