Almatylyq «Qaırat» pen «BTA fýtzal» komandalary shaǵyn fýtboldan Qazaqstan kýbogyn ózara sarapqa salady
ALMATY. 14 jeltoqsan. QazAqparat - Búgin Almatydaǵy «Dostyq» sport kesheninde shaǵyn fýtboldan Qazaqstan kýbogynyń aqtyq oıyndary ótedi.
Keshe jartylaı fınalda «Qaırat» qaraǵandynyń «Tulparyn» - 8:2, al «BTA fýtzal» rýdnyıdyń «Aıatyn» 4:1 esebimen jeńgen bolatyn. Búgin endi almatylyq qos klýb el kýbogyn sarapqa salsa, «Tulpar» men «Aıat» úshinshi orynǵa talaspaq.
Qazir el chempıonatynda «Qaırat» pen «BTA fýtzal» 1-2 orynda tursa, Tarazdyń «SKA Ońtústik» komandasynan keıin «Tulpar» - tórtinshi, «Aıat» besinshi orynda keledi.
Jalpy el kýbogyn buǵan deıin 2004-2009 jyldary «Qaırat» qatarynan 6 ret ıelensa, 2003 jyldan keıin araǵa alty jyl salyp eki jyl qatarynan «Tulpardyń» baǵy janǵan edi. Bıyl «Qaırattyń» bul ataqty ózine qaıtarýǵa tolyq múmkindigi bar.
