Almatylyq «Qaırat» komandasy «Tarazdan» 3:1 esebimen basym tústi
ASTANA. QazAqparat - Almatynyń Ortalyq stadıonynda Qazaqstan chempıonaty Premer-Lıgasy altynshy týrynyń matchy aıaqtaldy. Bul oıynda «Qaırat» óz alańynda «Taraz» komandasyn qabyldady.
Kezdesýdiń birinshi jartysynda alań ıeleri qarqyndy shabýyldap, úziliske deıin almatylyqtar eki goldy salyp úlgerdi. Oıynnyń ekinshi jartysynda olar qorǵanys taktıkasyn ustandy. Óz kezeginde «Taraz» oıynshylary shabýyldy údetip, 77-shi mınýtta esepti qysqartty. Kezdesýdiń sońǵy mınýttarynda «Qaırat» fýtbolshylary taǵy bir gol salyp, aıqyn basymdyqtaryn kórsetti. Nátıjesinde, «Qaırat» pen «Taraz» arasyndaǵy bul tartysty oıyn 3:1 esebimen aıaqtaldy.
