Almatylyq «Qaırat» fýtzaldan Qazaqstan sýperkýbogyna ıe boldy
NUR-SULTAN. QazAqparat - Almatylyq «Qaırat» fýtzaldan Qazaqstan sýperkýbogynyń ıegeri atandy, dep habarlaıdy QazAqparat tilshisi.
Sýperkýbok oıyndary elordada ótkizildi. Kezdesýde almatylyq «Qaırat» komandasyna «Atyraý» qarsylas atandy.
Oıyn barysynda almatylyq klýb tizgindi óz qolyna alýǵa tyrysty. Qarsylastar qaqpasy mańynda jıi boı kórsetti. Nátıjesinde qarsylasyn 5;2 esebimen tize búktirdi. Qazaqstan sýperkýbogyna ıe boldy.
Aıta ketsek, «Qaırat» mundaı nátıjege altynshy márte qol jetkizdi.
Eske salsaq, almatylyq klýbtyń oıynshylarynyń basym bóligi bıylǵy álem chempıonatyna qatysty. Onda jalpy esepte tórtinshi orynǵa turaqtap, ulttyq qurama tarıhynda joǵary nátıjege qol jetkizip qaıtty.
