Almatylyq kásipkerlerge ınnovatsııalyq bıznes ıdeıasy úshin 3 mln teńge tabys etiledi
Almaty. QazAqparat - Almaty qalasy Kásipkerlik jáne ındýstrıaldy-ınnovatsııalyq damý basqarmasy isin jańadan bastap jatqan kásipkerlerge memlekettik grant beredi, dep habarlaıdy QazAqparat tilshisi.
«Bıznestiń jol kartasy - 2020» bıznesti qoldaýdyń jáne damytýdyń biryńǵaı baǵdarlamasynyń sheńberinde isin jańadan bastap jatqan kásipkerlerge, jas kásipkerlerge, áıelderge, múgedekterge jáne 50 jastan asqan tulǵalarǵa memlekettik granttar beriledi.
Osyǵan baılanysty baǵdarlamaǵa qatysýshylar mynadaı krıterıılerge sáıkes kelýge tıis: Usynylatyn bıznes joba ıdeıasynyń jańalyǵy bolý kerek. Sondaı-aq, joba básekege qabiletti bolǵany jón, marketıngtik saraptamadan ótkizilip, kásipkerlik jobanyń usynatyn qyzmet túri men taýaryna naryqtyq suranystyń qandaı ekeni, daıyndyǵy men júzege asyrylýy naqty anyqtalýy kerek.
Sondaı-aq, bıznes jobanyń mindetti sharttarynyń biri qatysýshylardy qarjylandyrý shyǵyny suraǵan grant kóleminiń 10 paıyzynan kem bolmaýy tıis. Grantqa bólingen qarjy jyljymaıtyn múlik nemese jer ýchaskesin satyp alýǵa jumsalmaıdy.
Ótinish berýshiler konkýrstyq qujattamany 01.07.18 j. bastap 20.07.18 j. deıin ındýstrııalyq-ınnovatsııalyq damytý bólimine bere alady. Suraqtaryńyz bolsa +7 727 272 02 56 telefonyna habarlasyńyz.
Tastan Janatuly
