Almatylyq kásipkerlerdi qoldaý maqsatynda 161 joba qarjylandyryldy
Almatyda kásipkerlerdi qoldaýǵa arnalǵan birneshe baǵdarlama bar. «Bıznestiń jol kartasy – 2025» baǵdarlamasynyń úshinshi baǵyty boıynsha isin jańa bastaǵan kásipkerlerge qaıtarymsyz negizde 5 mln teńgege deıin ınnovatsııalyq granttar beriledi.
«Búginde 510 mln teńgeniń 161 jobasyna qoldaý kórsetildi, onyń ishinde 326 mln teńgeniń 106 jobasyna halyqtyń áleýmettik osal toptary men kópbalaly analar qatysty», – dedi Erkebulan Orazalın.
Qolday kásipkerlik ortalyǵy bıznes-josparlardy daıyndaý úshin isin jańa bastaǵan kásipkerlerge jan-jaqty qoldaý kórsetedi.
Sondaı-aq «Almaty Business – 2021» baǵdarlamasy boıynsha tegin bilim berý men akseleratsııa jobasy iske qosyldy.
Spıkerdiń aıtýynsha, akseleratsııa baǵdarlamasy – bul shaǵyn jáne orta bıznes úshin óz kásibin sarapshylardyń kózimen qaraýǵa, ondaǵy álsiz jaqtardy tabýǵa, damý josparyn qurýǵa jáne satý men tabysty arttyrýǵa múmkindik beredi.
« Sarapshylarmen 8 apta ishinde jumys istegen kásipker tálimgerlik pen saraptamalyq qoldaý arqyly óz kásibiniń ósý núkteleri men tıimdiligin anyqtaıdy. 7 salalyq baǵytta, sonyń ishinde qyzmet kórsetý jáne ónerkásiptiń jekelegen túrleri salasynda jumys isteıtin 1 myńnan astam kásipkerdi qamtý kózdelgen», – dedi Kásipkerlik jáne ınvestıtsııalar basqarmasynyń basshysy.
Aıta keterligi, qazirgi ýaqytta qala ekonomıkasynyń 45%-dan astamyn jeke kásipkerlik qalyptastyrady. 10 qala turǵynynyń 6-y shaǵyn jáne orta kásippen aınalysady. Qazaqstannyń árbir altynshy kásiporny Almatyda ashylǵan.