Almatylyq kásipkerler «Jarnama týraly» zańdy naqtylap berýdi surady
ALMATY. QazAqparat - Almatyda kásipkerlerdiń quqyǵyn qorǵaý máselesine arnalǵan keńeste bıznesmender «Jarnama týraly» zańdy naqtylaýdy surady, dep habarlaıdy QazAqparat.
Kásipkerler dúkenderdiń mańdaıshalaryn salynatyn salyqqa qatysty narazylyq bildirdi.
Olar mundaı kólemdegi salyq salýǵa esh negiz joq degen pikirde.
«Men sýpermarketter jelisiniń ıesimin. Dúkenderdiń qasbetinde úlken mańdaıshalar ornalasqan. Olarǵa meıram kezinde aqparat ornalastyrylady. Bul qalany bezendirý erejelerine sáıkes. Jaı kúnderi onda neıtraldy kartına salamyz. Onyń esh maǵynasy joq. Mańdaısha bizdiń shashtaraz emes, dúken ekenimizdi bildiredi. Muny jarnama deý qıyn. Biz eshkimdi qyzyqtyryp jatqan joqpyz», - dedi «Germes-Treıd» JShS Tatıana Dobrynına.
Kásipker «mańdaısha» túsinigine qatysty salyq organdary da birizdi pikirde emestigin aıty. Jetisý aýdanynyń quzyrly organdary ony jarnama dep tapsa, Medeý aýdanynda oǵan salyq salmady.
Qalalyq sáýlet jáne qurylys basqarmasynyń bas mamany Rýslan Kerimbaev kásipkerlerdi alańdatqan saýaldarǵa jaýap berdi.
«Biz zańdy negizge alamyz. Onda mańdaısha týraly jazylǵan. Mańdaısha ǵımaratqa kire beristegi aqparat jazylatyn taqtaı. Onda dúkenniń aty jazylýy múmkin. Ol jarnama emes. Alaıda onda belgili bir taýardyń sýreti bolsa, bul jarnamaǵa aınalyp ketedi», - dedi R.Kerimbaev.
Keńes sarapshylary «Jarnama týraly» zańǵa ózgerister men tolyqtyrýlar engizý qajettigin aıtty.
«Inspektor aqparattyń jaı mańdaısha álde jarnama ekendigin ózi anyqtaıdy. Zańdy naqtylanǵan krıterıı joq. Bul sóz joq jemqorlyqqa ákeledi», - dedi Keńes múshesi Vıktor ıAmbaev.
Almatylyq bıznesmender atalǵan máselege baılanysty UKP-na usynys joldaıtyn boldy.
Sondaı-aq, salyq salýshylardyń áreketin qalalyq prokýratýra teksermek.
