Almatylyq kásipkerler jaldaý tólemin qaı ýaqytqa deıin shegere alady
Basqarma basshysynyń aıtýynsha, shaǵyn jáne orta bıznesti (ShOB) qoldaý jáne damytý maqsatynda Almaty qalasynyń ákimdigi bıylǵy 1 qańtar men 30 maýsym aralyǵyndaǵy kezeńde ShOB ókilderimen jaldaý sharttaryna jaldaý tólemderin esepteýdi toqtata turý boıynsha jumys júrgizip jatyr.
«Osy jyldyń mamyr aıyndaǵy jaǵdaı boıynsha Almaty qalasynyń memlekettik aktıvter basqarmasy shaǵyn jáne orta bıznes sýbektilerimen 307 jaldaý shartyn jasady. Qazirgi ýaqytta saıt qaıta iske qosyldy, ol shaǵyn orta bıznesti jalǵa alýshylarǵa QR aýmaǵynda Tótenshe jaǵdaı kezeńindegi sııaqty jaldaý tólemderin toqtata turýǵa ótinim berýge jáne qosymsha kelisimder jasasýǵa múmkindik beredi»,-dedi Rústem Álıev.
Sondaı-aq, spıker Almaty qalasy memlekettik aktıvter basqarmasynyń saıtynda jaldaý tólemderin toqtata turýǵa ótinish berý týraly tolyq beıne nusqaýlyq bar ekenin eske saldy.
«Tsıfrly Qazaqstan» memlekettik baǵdarlamasyn iske asyrý aıasynda Almaty qalasynyń memlekettik aktıvter basqarmasy Telegram qosymshasynda vırtýaldy-keńesshi gosaktivy_bot chat-botyn iske qosty, ol memlekettik múlikti jalǵa alý boıynsha barlyq suraqtarǵa jaýap beredi», - dedi ol.
Basqarma basshysy jyl saıyn 60 myń sharshy metrden astam memlekettik alań jalǵa beriletinin atap ótti.
«Qoǵamdyq tamaqtandyrý (mektep ashanalary) - 39,5%, jeke mektepter men balabaqshalar – 24,54%, basqalar (notarıýstar, atele, keńseler) - 16,32%, oqytý jáne sport sektsııalary – 9,2%, memlekettik mekemelerdegi býfetter men ashanalar – 7,82%, uıaly baılanys operatorlarynyń antennalary – 1,14%, PIK, qyzmet kórsetýshi kompanııalar -1,02%, bankter, kassalar jáne vendıngtik avtomattar - 0,46% quraıdy»,- deıdi spıker.