Almatylyq kásipkerler 350 sharshy metrlik oıyn alańyn salyp berdi
ALMATY. QazAqparat - Bıznestiń áleýmettik jaýapkershiligi aıasynda Almaty qalasynda «Esentaı» iri sport-oıyn alańy ashyldy, dep habarlaıdy QazAqparat.
Atalǵan nysan Esentaı ózeni jaǵasynda ál-Farabı dańǵylynan tómen jerde ornalasqan. Onyń jalpy aýmaǵy 350 sharshy metr. Alań óz formatymen erekshelengen. Onda balalarǵa arnalǵan alańmen birge Work out, Street ball aımaqtary da bar. Bul «Astana Bankiniń» kóshe sportyna arnaǵan 5-shi sport nysany. Budan ózgeleri Naýryzbaı aýdanyndaǵy alańda, Seıfýllın jáne Sholohov kósheleri qıylysynda, Tuńǵysh Prezıdent saıabaǵynda jáne «KIMEP» JOO aýmaǵynda ornalasqan.
«Búgingi tańda bıznes qaýymdastyq áleýmettik jaýapkershik baǵdarlamasy aıasynda kómegin kórsetip otyr. Bul bastamany almatylyq kásipkerler salamatty ómir saltyn nasıhattaý maqsatynda qolǵa alǵan. Olarǵa aıtar alǵysymyz zor», - dedi sharanyń ashylýynda Bostandyq aýdany ákiminiń orynbasary Tanat Aıdarbekov.
