Almatylyq kásipkerge qaraqshylyq shabýyl jasap, 73 mln teńgesin alyp ketkenderdiń biri ustaldy

Bul týraly búgin aptalyq brıfıngte QR ІІM resmı ókili Nurdildá Oraz málim etti.

«Almatyda jedel-izdestirý sharalary barysynda ótken aıda almatylyq kásipkerge top bolyp qaraqshylyq shabýyl jasaǵandardyń biri 18 jastaǵy Taraz qalasynyń turǵyny ustaldy», - dedi ol.

Onyń sózine qaraǵanda, jábirlenýshi kóliginiń dóńgelegin jóndetý úshin tehnıkalyq qyzmet kórsetetin stansaǵa kirgende tý syrtynan bireý soqqyǵa shyǵyp, esinen tandyrady. Biraz ýaqyttan keıin esin jıǵan ol kóligindegi 73 mıllıon teńge salynǵan sómkesiniń joǵalǵandyǵyn baıqaıdy.

«Qazirgi ýaqytta ustalǵan adam ýaqytsha oqshaýlaý ornyna qamaldy jáne onyń osy sııaqty basqa da ashylmaǵan qylmystarǵa qatystylyǵy tekserilýde. Al sybaılastaryn jáne urlanǵan aqshany izdeý jumystary jalǵasýda», - dedi resmı ókil.