16:31, 12 Sáýir 2018 | GMT +5
Almatylyq kásipker bergen parasynan 20 ese kóp aıyppul tóleıdi
ALMATY. QazAqparat - Almatyda Memlekettik kirister departamentiniń qyzmetkerine para bermek bolǵan kásipker ákimshilik jazaǵa tartyldy, dep habarlaıdy QazAqparat tilshisi.
Qalalyq Memlekettik kirister departamentiniń baspasóz qyzmeti habarlaǵandaı, kassalyq apparaty men POS-termınaly joq kásipker departament qyzmetkerine 30 myń teńge para bergen.
Atalǵan derek boıynsha Qazaqstan Respýblıkasynyń Qylmystyq kodeksiniń 367-baby boıynsha ákimshilik is qozǵaldy. Sot sheshimimen kásipkerge 600 myń teńge kóleminde aıyppul salyndy.
Qalalyq Memlekettik kirister departamenti para alǵan nemese para berýge ıtermelegen laýazymdy tulǵalar bolsa +7 707 413 59 22 nómirine nemese uvb_dgdalmaty@mail.ru poshtasyna habarlama qaldyrýdy suraıdy.