Almatylyq kardıologter tekserý kezinde júregi toqtap qalǵan patsıentti aman saqtap qaldy

ALMATY. QazAqparat - Almatydaǵy №7 qalalyq klınıkalyq aýrýhanasynyń kardıolog dárigerleri jiti mıokard ınfarktisin alǵan qart patsıenttiń ómirin aman saqtap qaldy, dep habarlaıdy QazAqparat tilshisi.

Emdeý mekemesiniń baspasóz qyzmeti málim etkendeı, 75 jastaǵy qart naýqas hırýrgııalyq bólimshege joldamamen jiti holetsıstıt, pankreatıt dıagnozymen tústi. Patsıent kóp jyl júrektiń shaǵýy aýrýy boıynsha kardıolog dárigerdiń esebinde tur.
№7 QKA-nyń kardıologııa bólimshesiniń meńgerýshisi Aıgúl Dosqulovanyń aıtýynsha, naýqasqa shuǵyl koronarografııa júrgizildi. Tekserý barysyna oń jaq qarynshaaralyq tarmaqtyń jiti trombozy anyqtaldy.
«Koronarografııa kezeńinde qarynshaaralyq tarmaqty stentteýmen patsıenttiń júrek qyzmeti toqtap qaldy, jedel túrde barlyq qajetti reanımatsııalyq sharalar sátti júrgizildi, júrek-ókpe reanımatsııasy hattamasyna sáıkes jáne júrek yrǵaǵy qalpyna keltirildi. Júrek qyzmetiniń toqtap qalýyna qaramastan, stentpen koronografııa sátti júrgizildi, sodan keıin patsıent odan ári baqylaý jáne emdeý úshin reanımatsııa bólimshesine aýystyryldy, emdik jáne dıagnostıkalyq usynystar berildi»,- deıdi dáriger.
75 jastaǵy naýqas kardıologııa bólimshesinde 13 kún jatty, oń dınamıkamen úıine shyǵaryldy. Patsıentte aýqymdy mıokard ınfarktisi bolǵanyn eskere otyryp, gematolog mamandardyń barlyq basqa usynystary mıokard ınfarktisiniń asqyný kezeńinen, qalpyna keltirý jáne ońaltý kezeńine deıin ambýlatorııalyq emdeý usynyldy.
«Keıde ınfarkt belgisiz bolýy múmkin jáne ony jiti hırýrgııalyq patologııamen shatastyrýǵa bolady. Sonymen qatar, ınfarkttyń jasyryn betperdesi bar ekenin umytpaýymyz kerek. Infarkttyń astmatıkalyq nusqasy demikpe sııaqty klınıkalyq túrde júrýi múmkin: entigý, aýa jetispeýshiligi. Infarkt patsıent tekserý kezinde belgi bere alatyn óziniń naqty klassıkalyq túrin ózgertkenin umytpaý kerek. Jas kórsetkishin, arterııalyq gıpertonııanyń bolýyn eskerý qajet. Sol sııaqty, qant dıabeti, ol múldem belgi bermeýi múmkin, biraq jalpy álsizdik, entigý,sharshaý sezimi retinde ótedi. Sondyqtan kez - kelgen dáriger ınfarkttyń belgisiz emes túrlerin árdaıym este ustaýy kerek», - dep atap ótti Aıgúl Dosqulova.
Dáriger mundaı jaǵdaılardyń ýaqtyly dıagnostıkasy elektrokardıografııalyq málimettermen jáne troponınge qan taldaýyn jasýymen rastalýy kerek ekenin atap ótti.
Búgingi kúni jiti koronarlyq sındromdy ýaqtyly dıagnostıkalaý jáne durys kómek kórsetý kenetten ólim qaýpin boldyrmaıdy.