Almatylyq kardıologtar 69 jastaǵy áıeldiń ómirin saqtap qaldy
ALMATY. QazAqparat – Almatylyq turǵyn qalalyq kardıologııalyq ortalyq mamandaryna jıi entigip, aýa jetpeı qalatynyn aıtyp shaǵymdandy, dep habarlaıdy QazAqparat tilshisi.
Densaýlyǵyna shaǵymdanǵan áıeldi dárigerler dereý ehokardıografııadan ótkizdi, nátıjesinde mıksoma - júrek isigi anyqtaldy. ıAǵnı sol jaq atrıým júreginiń qaterli isigi. Іsik mıtraldy qaqpaqshany jaýyp qalýǵa az qalǵan.
«Іsikti operatsııalyq jolmen shuǵyl alyp tastaý kerek boldy, áıtpese isik mıtraldy qaqpaqshany jaýyp tastar edi. Bul ólimge ákeledi», - dedi Almaty qalalyq kardıologııa ortalyǵynyń bas dárigeri Almat Qodasbaev.
Operatsııa jasandy jolmen qan aınalýdy retteý arqyly júrekti 20 mınýt toqtatyp qoıyp jasaldy. Dárigerler osy ýaqyt ishinde isikti alyp tastady. Jalpy, ota 2 saǵatqa sozyldy.
Búgingi kúni naýqastyń ómirine qaýip tónip turǵan joq. Jaǵdaıy turaqty, ony aýrýhanadan úıine shyǵarýǵa daıyndap jatyr.
