Almatylyq ınfektsıonıst koronavırýstan keıin ońaltý sharlarynyń mańyzy jaıynda aıtty

ALMATY. QazAqparat- COVID-19 jáne koronavırýs pnevmonııasymen aýyrǵan naýqastar ońaltýdy qajet etedi. Bul týraly Almaty qalalyq Qoǵamdyq densaýlyq basqarmasynyń №5 qalalyq klınıkalyq aýrýhanasynyń dáriger-ınfektsıonısi Olga Antıpova Óńirlik kommýnıkatsııalar qyzmetiniń baspasóz máslıhatynda málim etti, dep habarlaıdy QazAqparat tilshisi.

Dárigerdiń aıtýynsha, koronavırýstyń saldary ár túrli bolýy múmkin, sondyqtan emdelip shyqqandar terapevt dárigerdiń kómegine júginýi tıis.

«Ońaltý koronavırýstyń jeńil túrimen aýyrǵandarǵa da taǵaıyndalady, biraq ol úıde júrgiziledi. Bul – qarapaıym tynys alý jattyǵýlary, taza aýada serýendeý, dıeta. Aýrýdyń ortasha jáne aýyr dárejesinen keıin naýqastar ońaltý bólimine jiberiledi. Mysaly, bizdiń aýrýhanada fızıoterapııa men gımnastıka júrgiziletin ońaltý bólimi bar», - dedi spıker..

Dáriger-ınfektsıonıst keýde qýysynyń tómengi bóliginde elektroforezdiń qabynýǵa qarsy áseri baryn, koronavırýs juqtyrǵandardy ońaltý úshin qoldanylatynyn, sonymen qatar vıbroakýstıkalyq apparattyq massaj jasalatynyn aıtty.

«Protsedýra 5-7 kún ishinde júzege asyrylady. Sonymen qatar, koronavırýstan keıin sanatorlyq-kýrorttyq em kórsetiledi. №5 qalalyq klınıkalyq aýrýhananyń emdelýshileri «Kamenskoe plato» shıpajaıyna ońaltýǵa jiberiledi»,- deıdi dáriger.

Brıfıng barysynda Olga Antıpova almatylyqtardy sanıtarlyq-epıdemıologııalyq normalardy saqtaýǵa jáne jaýapkershilikpen qaraýǵa shaqyrdy, óıtkeni dert óte qaýipti jáne zalaldary kóp.

«Tipti jeńil nemese sımptomsyz aýrýdyń da zalaly bolýy múmkin. Naýqastar 30%-y tez sharashaıdy, olardy uıqysy buzylady, shamadan tys terleıdi. Aǵzada vırýs juqtyrmaıtyn organ joq, eń aldymen qan tamyrlary zaqymdanady», - dedi ol.

Spıkerdiń sózinshe, postkovıdtik sındrom bir aptadan alty aıǵa deıin sozylýy múmkin.

Sonymen qatar, ol emdelip shyqqan balalarǵa da ońaltý qajet ekenin tilge tıek etti.

«2020 jyldyń qarashasynan bastap bizdiń aýrýhanada 380 bala emdeldi. Biz aýyr naýqastardy kezdestirmedik, sondyqtan pedıatr teksergennen keıin ońaltý úıde ótti. Ata-analar men balalarǵa tynys alý jattyǵýlaryn qalaı jasaý kerektigi túsindirildi. Dáriger-reabılıtolog jattyǵýlardy qalaı jasaý kerektigin kórsetetin beınerolık túsirdi», - dedi Olga Antıpova.

Sózin qorytyndylaǵan dáriger-ınfektsıonıst barlyq dárigerlerdiń emdelip shyqqandardy ońaltý boıynsha qajetti jaǵdaılardy tolyq jasaıtynyn atap ótti.

«Koronavırýspen aýyratyn naýqastardy emdeý kezinde búırekke, baýyrǵa jáne júrekke áser etetin kúshti preparattar qoldanylatynyn este saqtaǵan jón. Ońaltý sharalarynan soń naýqastardyń densaýlyǵy qalpyna keledi»,-dep atap ótti»,- №5 qalalyq klınıkalyq aýrýhanasynyń dáriger-ınfektsıonısi Olga Antıpov