Almatylyq hırýrgtar úshinshi qabattan qulap ketken balany aman alyp qaldy
ALMATY. QazAqparat - №2 Balalar qalalyq klınıkalyq aýrýhanasynyń dárigerleri kópqabatty úıdiń úshinshi qabatynyń balkonynan qulap túsken 4 jasar balany aman alyp qaldy, dep habarlaıdy QazAqparat tilshisi.
Aýrýhananyń baspasóz qyzmeti málim etkendeı, kishkentaı ul bala balkonda oryndyqqa shyǵyp, kóshege qaramaq bolǵan kezde qulap ketken. Sonymen qatar úıde janynda eresek adam bolmaǵan.
«Balany jedel járdem brıgadasy qabyldaý bólimshesine aýyr jaǵdaıda jetkizdi. Alyp kelgen kezde bala dereý qaraldy, qajetti ınstrýmentaldi zertteýler, onyń ishinde aǵzaǵa kompıýterlik tomografııa júrgizildi. Bala jansaqtaý bólimshesine jatqyzyldy. Dárigerler balany travmalyq eseńgireýden alyp shyǵyp, onyń jaǵdaıyn turaqtandyrdy», - dep habarlady aýrýhanadan.
Іsh jaǵynyń toqtamaı aýyrsynýyna baılanysty mýltıtártiptik keńes ótkizilip, dıagnostıkalyq laparoskopııalyq ota jasaý týraly sheshim qabyldandy.
«Balada kózge kórinbeıtin jaraqat boldy. Oǵan hırýrgııalyq bólimshede ota jasaldy. Qazir onyń ómirine qaýip joq. Bala jazylyp, úıge shyqty», - dedi aıtty №2 BQKA dırektorynyń orynbasary Nazgúl Asanova.
Balalar dárigerleri ata-analardan muqııat bolýyn jáne kishkentaı balalardy qaraýsyz qaldyrmaýdy ótinip suraıdy.
