Almatylyq gımnast qyz halyqaralyq týrnırde 3 medal jeńip aldy
ALMATY. QazAqparat - Almatylyq gımnast qyz Sabına Qıkymova Estonııadaǵy dúbirli dodadan júldemen oraldy, dep habarlaıdy QazAqparat tilshisi qalalyq Dene shynyqtyrý jáne sport basqarmasynyń baspasóz qyzmetine silteme jasap.
Sabına kórkem gımnastıkadan «Miss Valentine 2018» halyqaralyq týrnırinde aldyna jan salmaı, 2 altyn, 1 kúmis medal aldy.
Saıys Estonııanyń Tartý qalasynda ótken bolatyn. Jarysta álemniń 27 elinen gımnast qyzdar baq synasty.
«Miss Valentine» týrnıri - Estonııada ótkiziletin asa iri halyqaralyq jarys. Tartýdaǵy gımnastıka aptalyǵy men «Miss Valentine» týrnıri Estonııa memleketiniń 100 jyldyǵyn toılaýǵa tuspa tus keledi.
