Almatylyq ǵalymdar 51 mln teńgeniń grantyn utyp aldy
«Kóne túrkilerdiń dúnıetanymyndaǵy kontseptiler júıesi» atty joba 2021-2023 jyldarǵa arnalǵan ǵylymı jáne ǵylymı-tehnıkalyq jobalar boıynsha granttyq qarjylandyrýǵa arnalǵan konkýrsqa qatysqan. Jobany jasaýǵa shetel tilderin oqytý ádistemesi kafedrasynyń oqytýshylary Aqshaıym Jalalova, Aqjarqyn Ábýova, Nurgúl Qalıeva, Botagóz Sazaeva jáne Álııa Zadahanova atsalysqan.
«Bul joba QR Bilim jáne ǵylym mınıstrligi Ǵylym komıtetiniń granttyq qarjylandyrý konkýrsy talaptaryna sáıkes dep tabyldy. 2021-2023 jyldar aralyǵynda ǵylymdy damytýdyń Bilim berý jáne lıngvıstıka salasyndaǵy ózekti máselelerdi zertteý baǵyty boıynsha júzege asyrylady», – deıdi jobanyń ǵylymı jetekshisi fılologııa ǵylymdarynyń doktory, professor Gúlbaný Qosymova.
Joba avtorlary Elbasynyń «Rýhanı jańǵyrý» baǵdarlamasy aıasynda kóne túrkiler dúnıetanymyndaǵy kontseptiler júıesin anyqtaýdy maqsat tutyp otyr. Sondaı-aq, jobany Abaıdyń «Tolyq adam ilimi» tujyrymyna sáıkestendirip, qazaq dúnıetanymyndaǵy kórinisin negizdeý kózdelgen.
