Almatylyq fýtbolshylar Túrkııada Horvatııanyń "Hajduc Split" komandasymen joldastyq kezdesý ótkizdi
ALMATY. 31 qańtar. QazAqparat /Erlik Erjanuly/ - Keshe Almatynyń jattyqtyratyn Dmıtrıı Ogaı aıaqdopshylary Túrkııadaǵy kezekti oqý-jattyǵý jıyny kezinde Horvatııanyń "Hajduc Split" komandasymen joldastyq kezdesý ótkizdi.
Ótken maýsymda Birinshi lıgada óner kórsetken horvattar bıyl Premer-Lıgadan túsip qala jazdaǵan qazaqstandyqtardan 1:0 esebimen basym tústi.
27 qańtarda bastalǵan bul jıyn kezinde «Qaıratta» baıqaýda júrgen oıynshylar sany jańa legıonerlermen tolyqty. Olar serbııalyq Popovıch pen Adamovıch, argentınalyq Djıonı, túrkııalyq Akıyldyz. Bıyl D. Ogaı tizginin ustaǵan almatylyqtar endi 5 aqpanǵa deıin kelesi joldastyq kezdesýlerin Chernogorııa, Bolgarııa jáne Grýzııa komandalarymen ótkizbek.
