Almatylyq fýtbolshylar Serbııanyń «Donı Srem» men Reseıdiń «Baltıka Kalınıngrad» komandalarymen joldastyq kezdesý ótkizdi
ALMATY. 20 aqpan. QazAqparat - Túrkııada 16 aqpannan beri 3-inshi oqý jattyǵý jıynyn ótkizip jatqan «Qaırat» fýtbol klýby, keshe eki joldastyq kezdesý ótkizdi. Dmıtrıı Ogaı jattyqtyratyn almatylyqtar Serbııanyń Birinshi lıgasyndaǵy Pechıntsı qalasynyń «Donı Srem» komandasyna 0:3 esebimen oısyraı utyldy.
Odan keıin Reseıdiń Birinshi dıvızıonyndaǵy Kalınıngradtyń «Baltıka Kalınıngrad» komandasymen esepteri teń tústi.
Endi 22 aqpanda Reseıdiń Ekinshi dıvızıonyndaǵy Belgradtyń «Salıýt» komandasymen eki kezdesý ótkizbek. Senbi kúni Iran chempıonatynyń 2009 jylǵy jeńimpazy sanalatyn Isfahan qalasynyń «Sepahan Sport» komandasymen kúsh synaspaq. Kelesi kúni Avstrııa Býndeslıgasynda ótken maýsymda kúmis júldeger atanǵan Zaltsbýrg qalasynyń «Red Býll Zaltsbýrg» pen Ýkraına Birinshi lıgasynda byltyr 6-ynshy oryn alǵan Ýjgorod qalasynyń «Goverla Zakarpate» komandasymen saıysady. Al 29 aqpanda sońǵy joldastyq kezdesýin Lvov oblysynyń Birinshi lıgasynda óner kórsetetin Lvov qalasynyń «Pogon» komandasymen aıaqtamaq.
