Almatylyq fýtbolshylar Premer-lıgadaǵy el chempıonatynyń alǵashqy 2-týrynyń qorytyndysy boıynsha 10-orynda kele jatyr

Tek Shymkentte «Ordabasy» men Astana» arasyndaǵy kezdesý ǵana aýa-raıynyń qolaısyzdyǵyna baılanysty keıinge qaldyryldy.

10-naýryzda syrt alańda Qostanaıdyń «Tobylyna» 0:4 bop utylǵan Dmıtrıı Ogaı jattyqytyratyn Almatynyń «Qaıraty» bul joly óz jankúıerleriniń aldynda erledi. Olar qonaqqa kelgen Kókshetaýdyń «Oqjetpesinen» 3:0 esebimen basym tústi. Buǵan deıin Oraldyń «Aqjaıyǵyna» óz alańynda  0:3 esebimen ese jibergen kókshetaýlyqtar týrnır kestesinde kósh sońynda kele jatyr. Oraldyqtar bul joly atyraýlyqtardy 3:1 esebimen  utyp kósh bastady. Óz alańynda aldymen ótken jyly el chempıony bolǵan Qaraǵandynyń «Shahterin» 1:0, odan keıin qola júldeger  sanalatyn «Tobyldan» 4:1 esebimen  basym túsken Pavlodardyń «Ertisi» ekinshi orynda kele jatyr. «Astanany» 2:0, «Suńqardy» (Qaskeleń) 1:0 etip utqan «Taraz» komandasy alǵashqy  úshtikti túıindeýde. Olardyń qorjynynda alty-alty upaıdan bar. Úzdikterden 3 upaıy kem «Jetisý» (Taldyqorǵan), «Tobyl», «Ordabasy», «Shahter», «Aqtóbe», «Suńqar» men «Qaırat» 4-10 oryndy ózara bólisýde. Al qorjynynda birde-bir upaıy joq  «Astana», «Atyraý», «Qaısar» (Qyzylorda) men  «Oqjetpes» týrnır kestesinde kósh sońynda kele jatyr.

Endi kelesi týr 25-naýryzda ótedi. Onda qostanaılyqtar qaraǵandylyq, kókshetaýlyqtar pavlodarlyq, atyraýlyqtar almatylyq, astanalyqtar oraldyq, qaskeleńdikter shymkenttik, qyzylordalyqtar tarazdyq, aqtóbelikter tarazdyq qurdastarymen sheberlik baıqasady.