Almatylyq fýtbolshylar Ispanııadaǵy halyqaralyq «Mediterranian International cup» týrnırine qatysyp, tájirıbe jınap qaıtty
ALMATY. 11 sáýir. QazAqparat - Almaty qalasynyń jasósprimderi el tarıhynda tuńǵysh ret Ispanııanyń Kosta-Brava qalasynda ótken «Jerortateńiziniń halyqaralyq kýbogy» («Mediterranian International cup») týrnırinde baq synady.
«Barselona» fýtbol komandasy uıymdastyrǵan bul jarysqa 40-tan astam elden 220 komanda qatysqan. Ony qalalyq deneshynyqtyrý jáne sport basqarmasynyń bastyǵy Qaıyrbolat Haıdarov búgin Almatyda ótken baspasóz máslıhatynda aıtty.
«Bizdiń jasóspirimder komandasy bul týrnırde, birinshi kezekte ózderiniń kásibı sheberlikterin shyńdap qaıtty. Úlken kólemdegi mundaı halyqaralyq týrnırge qatysyp, is-tájirıbe almasý olardyń keleshekte jaqsy fýtolshy bolyp qalyptastasýyna mol múmkindik beredi», - deıdi Qaıyrbolat Haıdarov. Bıyl 12 ret uıymdastyrylǵan bul baıraqty básekege olardyń qatysýyna Almaty qalasynyń deneshynyqtyrý jáne sport basqarmasy men «Qazaqstannyń sport tehnologııalary» kompanııasy qoldaý bildirgen edi. Aǵa jattyqtyrýshy Alash Óteýishovtyń aıtýynsha, almatylyq aıadopshylar álemniń tanymal fýtbol komandalarymen básekege túse alatyndaı múmkindikke ıe boldy. Onda olar úlken nátıje kórsete almasa da, Qazaqstannyń fýtbol tarıhynda tuńǵysh ret atalmysh halyqaralyq týrnırge qatysyp, tájirıbe jınaqtap qaıtýynyń ózi - úlken jetistik.
