Almatylyq fýtbolshylar ısfahandyqtardan 1:5 esebimen utylyp qaldy
ALMATY. 27 aqpan. QazAqparat /Erlik Erjanuly/ - Búgin Túrkııada Dmıtrıı Ogaı jattyqtratyn «Qaırat» fýtbol klýby Isfahannyń «Selehan Sport» klýbymen joldastyq kezdesý ótkizip 1:5 esebimen jeńildi.
Bul oıynda Zlatko Kranchar baptaıtyn qarsylastar qaqpasyna almatylyqtardyń serbııalyq legıoneri shabýylshy Nemanıa Iovanovıch jalǵyz doppen jaýap berdi. 75 myń adamdyq stadıony (Djahan) bar «Selhan Sport» klýby 1953 jyldyń jeltoqsanynda qurylǵan bolatyn. Olar 2009/10 jylǵy maýsymda Iran chempıonatynyń jeńimpazy boldy. Al 2007 jyly Iran tarıhynda tuńǵysh ret klýbtyq álem chempıonatyna qatysyp, 6-oryn alǵan.
Bul «Qaırattyń» sońǵy oqý-jattyǵý jıynyndaǵy 6-joldastyq kezdesýi edi. Buǵan deıin olar 25 aqpanda Reseıdiń Birinshi lıgasynda óner kórsetetin Hımkı qalasynyń komandasyna 0:1 esebimen ese jiberdi. 22-aqpanda Ýkraın premer-lıgasynda óner kórsetetin «Volyn» komandasynan 1:2 bop utylyp, Reseıdiń 2-dıvızıonyndaǵy Belgorodtyń «Salıýt» komandasymen 0:0 bop tarasty. Al 19 aqpanda Serbııanyń Birinshi lıgasyndaǵy Pechıntsı qalasynyń «Donı Srem» komandasyna 0:3 esebimen oısyraı utylyp, Reseıdiń 1-dıvızıonyndaǵy Kalınıngradtyń «Baltıkasymen» teń túsken bolatyn.
