Almatylyq fýtbolshylar ekinshi joldastyq kezdesýin ótkizdi
ALMATY. 17 qańtar. QazAqparat /Erlik Erjanuly/ - Túrkııada oqý-jattyǵý jıynyn ótkizip jatqan "Qaırat" fýtbol klýby búgin «Goal Management Group» fýtbol agenttiginiń aıaqdopshylarymen joldastyq kezdesý ótkizdi.
Almatylyqtar Dmıtrıı Ogaıdyń bas bapkerligimen qarsylasyn 2:0 esebimen utty. Onda Nemanıa Iovanovıch pen Krıstos Blanks mergendigimen kózge tústi. Bul «Qaırattyń» 2-shi joldastyq kezdesýi bolyp otyr. Olar buǵan deıin 13 qańtarda Túrkııanyń 3-dıvızıonynda óner kórsetetin Rıze qalasynyń "Pazarspor" komandasyna 2:3 esebimen ese jibergen edi. Qazaqstan fýtbol federatsııasy Atqarý komıtetiniń sheshimimen jańa maýsymda qaıtadan Premer-lıgada óner kórsetýge múmkindik almatylyqtar endi 20-qańtarda taǵy bir joldastyq kezdesý ótkizbek. Alaıda qarsylastyń kim bolatyny ázirge belgisiz bop otyr.
