Almatylyq fýtbolshylar Chernogorııanyń «Zeta» klýbynan 2:1 esebimen basym tústi
ALMATY. 3 aqpan. QazAqparat /Erlik Erjanuly/ - Keshe Antalııada oqý-jattyǵý jıynyn ótkizip jatqan Almatynyń «Qaıraty» Chernogrııanyń «Zeta» klýbymen joldastyq kezdesý ótkizdi.
Dmıtrıı Ogaı jattyqtyratyn almatylyqtar bul oıynda qarsylastaryn 2:1 esebmen utty. Esepti kezdesýdiń 16-mınýtynda Rýslan Saqalbaev ashyp, arada 21 mınýt ótkende baıqaýda júrgen túrkııalyq legıoner Býrak Akıyldyz odan ary ulǵaıtqan edi. Chernorgorııalyqtar oǵan 2-taımda ǵana (72-mınýtta) 1 doppen jaýap bere aldy. Bul komanda ótken maýsymda Chernogorııa chempıonatynda Birinshi lıgada tórtinshi oryn alǵan bolatyn. Bıyl Birinshi lıgaǵa qaıta túsip qala jazdaǵan «Qaırat» klýby Qazaqstan fýtbol federatsııasy Atqarý komıtetiniń sheshimimen ǵana jańa maýsymda Premer-lıgaǵa qaıta oralǵan bolatyn. Endi almatylyq aıaqdopshylardyń kelesi joldastyq kezdesýi 5 aqpanda Grýzııanyń «Dela Gorı» komandasymen bolady.
