Almatylyq fýtbolshylar avsallarlyq qurdastaryn 2:1 esebimen utty
ALMATY. 29 naýryz. QazAqparat - Túrkııanyń Alanıa qalasynda fýtboldan balalar arasynda ótip jatqan «Túrik kanıkýldary» halyqaralyq týrnırinde almatylyqtar sátti óner kórsetýde.
2000 jyly týǵan balalar arasynda el namysyn qorǵap jatqan «Qaırat-2000» komandasy keshe Túrkııanyń Avsallar qalasyndaǵy qurdastaryn 2:1 esebimen jeńdi. Buǵan deıin olar 26 naýryzda jarys qojaıyndarynyń «Alanıaspor» komandasyn 3:0 (tehnıkalyq jeńilis), 27 naýryzda Máskeýdiń «Toropeda-FShM» komandasyn 3:1 esebimen utqan bolatyn.
Búgin olar Reseıdiń Orehovo-Zýevo qalasynan kelgen «Znamıa Trýda» komandasymen kúsh synasady. Almatylyqtardyń bul jolǵy qarsylasy alǵashqy 3 týrda Reseıdiń Máskeý qalasynyń «Torpedo-FShM» (1:4) men «Chertanovo» (0:4), Túrkııanyń «Avsallar» (0:2) komandalarynan oısyraı utylǵan bolatyn. Jas ereksheligi boıynsha 4 topqa bólinip ózara saıysqa túsip jatqan jas fýtbolshylardyń bul týrnıri 31 naýryzda aıaqtalady. Ol «Qaırat-2000» men «Chertanova», Torpedo-FShM» men «Avsallar», «Znamıa Trýda» men «Alanıasport» arasyndaǵy 5-týr oıyndarymen aıaqtalady.
