20:12, 03 Sáýir 2020 | GMT +5
Almatylyq esirtkini aıaq kıimine jasyryp túrmedegi tanysyna ótkizbek bolǵan
ALMATY. QazAqparat – Almaty qalasynda esirtkini aıaq kıimine jasyryp, túrmedegi dosyna ótkizbek bolǵan adam ustaldy, dep habarlaıdy QazAqparat tilshisi.
LA-155/8 mekemesinde Almaty qalalyq qylmystyq atqarý júıesi qyzmetkerleri men polıtsııa qyzmetkerleri 37 jastaǵy er adamdy ustady. Ol qamaýda otyrǵan dosyna azyq-túlik berip jibermek bolǵan.
Tekserý barysynda onyń aıaq kıiminiń ultaraǵynyń astynan paketke salynǵan ósimdik tektes zat tabyldy. Sot-medıtsınalyq saraptama qorytyndysyna sáıkes bul gashısh ekeni anyqtaldy.
«Bul derekke qatysty QR QK 296-babynyń 2-bólimimen sotqa deıingi tergeý isi tirkeldi», - dedi qalalyq PD Esirtki bıznesine qarsy kúres basqarmasynyń basshysy Erlan Álmaǵambetov.