Almatylyq esepshi naýqas anasy úshin mıllıondap aqsha urlaǵan
ALMATY. QazAqparat - Almatyda mıllıondap aqsha jymqyrǵan esepshi sottaldy, dep habarlaıdy QazAqparat tilshisi.
Almaly aýdandyq sotynyń sýdıasy sottalýshyny QR QK 189-babynyń 4-bólimimen aıypty dep taýyp, 3 jyl 4 aıǵa bas bostandyǵynan aıyrý týraly úkim shyǵardy.
Іs materıaldaryna sáıkes, áıel «EFK» AQ esepshi bolyp jumys istep júrgende korporatıvtik tabys salyǵyn ádeıi 91 094 472 teńgeden 257 397 508 teńgege ósirip kórsetken. Keıin aradaǵy aıyrmashylyqty óz qaltasyna basyp qalǵan.
2016 jyly bıýdjetke tólenetin minetti salyq pen basqa da tólemderdi ári kompanııa qajettilikterin jeleý etip óz kartasyna 166 036 908 teńge aýdarǵan.
Sot protsesinde sottalýshy óz kinásin tolyǵymen moıyndady. Ol óziniń naýqas anasyn emdeý úshin osyndaı qadamǵa barǵanyn aıtty.
