Almatylyq eriktiler órtten zardap shekkenderge gýmanıtarlyq kómek jınap jatyr

ALMATY. QazAqparat – Almatyda Abaı oblysyndaǵy órtten zardap shekkenderge gýmanıtarlyq kómek jınaý bastaldy, dep habarlaıdy QazAqparat tilshisi.

Bul isti Jastar saıasaty basqarmasynyń qoldaýymen Almaty qalasy volonterler front-ofısi uıymdastyrdy. Gýmanıtarlyq kómek jınaý pýnkti Baıtursynov kóshesi, 22k1, 1 qabat mekenjaıynda ornalasqan.

Qabyldaý pýnktiniń jumys ýaqyty: saǵat 10:00-den 19:00-ge deıin. Baılanys nómirleri: ([phone]; [phone]).

Jınaý pýnktinde kez kelgen kólemde qajetti zattar men ónimder qabyldanady. Qazir gýmanıtarlyq kómekke birinshi kezekte qajet zattar: kıim jáne tósek-oryn jabdyqtary, tynys alý maskalary, termos, qol sham, qýattaýysh, jórgek, dymqyl maılyq, jeke jáne áıelder gıgıenasy quraldary, qajetti ónimder (konservi, pechene jáne t.b.), bir ret qoldanylatyn ydys, sý jáne taǵy basqa.

Eriktiler qala turǵyndaryn aktsııaǵa qosylýǵa jáne Abaı oblysyndaǵy zardap shekken otbasylarǵa kómektesýge shaqyrady.