Almatylyq eriktiler Azıadaǵa keletin qonaqtarǵa qyzmet kórsetýge daıyn-B. Máken

almatylyq eriktilerdiń Azııa oıyndaryna daıyndyǵy jónindegi qalalyq Eriktiler shuǵyl shtabynyń tóraǵasy Baqtııar Máken áńgimelep berdi.

- Baqtııar Mákenuly, Azıadaǵa keletin qonaqtarǵa qyzmet kórsetetin eriktilerdi irikteý kezindeolarǵa qandaı basty talaptar qoıyldy?

- Bul is qolǵa alyna bastalysymen, ár ýnıversıtettiń basshylarymen, oqý oryndarynyń tárbıe isi jónindegi jetekshilerimen, sondaı-aq jastar komıtetterimen jıyndar ótkizip, eriktiler qataryna stýdentterdi alý sharasyn uıymdastyrdyq. Osydan keıin biz Azıada eriktilerin qatarǵa qabyldaý úshin birneshe basty talaptar qoıdyq. Birinshiden, eriktiler shetel tilderin bilýleri kerek degen talap qoıyldy. Ekinshiden, jas erekshelikterin de ekshedik. Úshinshiden, osyndaı halyqaralyq deńgeıdegi sharaǵa saı etıkalyq deńgeıi bolýy tıis boldy.

Negizi, Astanadaǵy Azıada uıymdastyrý komıtetiniń atqarýshy dırektsııasynyń bekitýi boıynsha 2 qaladaǵy jalpy eriktiler sany 3500 bolýy qajet. Alaıda Almaty qalasynyń syrtynda 2, ishinde 4 sport kesheni bar. Onymen qosa, iri qala bolǵandyqtan, qala ishindegi kólik qozǵalysy kóp qıyndyq týǵyzady. Osy jáne basqa da máselelerdi eskere kelip, eriktiler sanyn taǵy 400 adammen tolyqtyrý týraly Atqarýshy dırektsııaǵa usynys jasadyq. Búgingi tańda 2400 adamǵa akkredıtatsııa alynyp, qyzmetterine daıyn tur.

Qatarǵa alynǵan eriktilerdiń árqaısysy quqyq qorǵaý organdarynyń tekserýinen ótip, tıisti qujattary belgilengennen keıin baryp, esepke alynyp, olarǵa arnaıy trenıngterden ótkizildi.

- Eriktilerdiń qataryn toltyrý kezinde qandaı jastar uıymdary belsendilik tanytty? Eriktiler qandaı jumystar atqaratyn bolady?

- Búginde Almatydaǵy árbir sport kesheninde eriktilerdiń qalaı jumys atqaratyndyqtary, júretin oryndary belgilenip qoıdy. Soǵan saı, árbir nysannyń jetekshileri bar. Bizge osy sharalardy uıymdastyrýǵa, jáne qatarymyzdy toltyrýǵa kóptegen jastar uıymdary, atap aıtqanda «Qazaqstan Stýdentter Alıansy», Nur Otan» HDP-niń «Jas Otan» jastar qanaty, «Jasyl El» JEO, sondaı-aq JOO stýdentter kásipodaqtary da belsendilik tanytty. Bul turǵyda biz aýyl jastaryn da kóptep qamtýǵa tyrystyq. Sonymen birge, eriktilerdi uıymdastyrý, aýdarmashylyq, óner kórsetý jáne t. b. qabiletterine qaraı ár salaǵa bóldik. Bizde 6 sport nysany bar, ol nysandarda aqparattyq tehnologııalar, tamaqtandyrý, jedel járdem, qutqarý sekildi 12 qyzmet túri kórsetiledi. Solardyń barlyǵynda bizdiń eriktiler qyzmet kórsetetin bolady.

Betin ári qylsyn, áıtkenmen de kútpegen jaǵdaılar bolýy múmkin. Sondyqtan da ondaı máselelerdi der kezinde sheshý úshin eriktiler tótenshe jaǵdaılar qyzmetimen, ishki ister qurylymdarymen, medıtsınalyq qyzmettermen jáne basqa da qyzmet organdarymen birlesip jumys atqaratyn bolady. Máselen, qandaı da bir sport nysanyn alatyn bolsaq, ondaǵy eriktilerdiń ár tobynyń aınalysatyn jumystaryna saı turatyn jerleri naqty belgilenip qoıylǵan. Sol boıynsha, barlyq oqys oqıǵalar kezinde eriktilerdi adaspaı tabýǵa, qajetti jerge tez aparýǵa múmkindik jasalǵan.

- Eriktilerdiń tilderdi meńgerý deńgeıi qandaı?

- Jalpy, biz eriktilerdiń shetel tilderin meńgerý jaǵdaıyn tilashar deńgeıinde qaldyryp otyrmyz. ıAǵnı, olarǵa amandasý-sálemdesý sekildi aýyzeki sóıleý tilin ǵana meńgerýdi júktep otyrmyz. Sonymen qatar bizde hattama boıynsha júretin VIP-sanatyndaǵy til meńgerýshiler bar. Olar shetelden keletin mańyzdy adamdarǵa, atap aıtqanda, Azııa Olımpıadalyq komıtetiniń basshylaryna, tanymal sportshy tulǵalarǵa, Arab elderinen keletin sheıhtar men olardyń otbasy múshelerine jáne taǵy sol sııaqty kádeli qonaqtarǵa qyzmet kórsetetin bolady. Bul qyzmetterge QBTÝ, QMEBI, Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń, Almaty qalasyndaǵy basqa da shetel tilderin meńgergen mamandardy daıyndaıtyn oqý oryndarynyń eń úzdik stýdentterin bekitip otyrmyz.

Kesheden bastap testilik synaqtardan ótkizip jatyrmyz. Jalpy alǵanda, Azıada eriktileri qonaqtarǵa qyzmet kórsetýge 100 paıyz daıyn deýge bolady. Eriktiler de óz eliniń patrıoty retinde jumystaryna qulshyna kirisýge daıyn ekendikterin aıtýda.

- Azıada aıaqtalǵan soń eriktilerge arnalyp qandaı da bir sharalar uıymdastyrylady ma?

- Árıne. Azıadanyń sońǵy kúni - 6 aqpanda eriktiler úshin kesh ótkizýdi josparlap otyrmyz. Azıadanyń jabylý saltanaty Almatydaǵy Balýan Sholaq atyndaǵy sport saraıynda ótedi. Biraq oǵan bári birdeı syımaıtyndyqtan, eriktiler úshin shańǵymen tuǵyrdan sekirý kesheninde kesh uıymdastyrylady. Onda úlken ekran qoıylyp, jabylý saltanatynan tikeleı kórsetilim bolady. Sonymen qatar belsendilik tanytqan eriktiler Atqarýshy dırektsııanyń, Almaty qalasy ákimdigiń jáne Jastar saıasaty basqarmasynyń atynan maqtaý qaǵazdarymen, medaldarmen jáne estelik syılyqtarmen marapattalady. Sol jerde kontserttik baǵdarlama uıymdastyrylyp, otshashý rásimi bolady. Onymen qosa, eriktiler úshin dastarhan uıymdastyrylyp, tamamaqtandyrý jaǵy da qarastyrylǵan. Munyń barlyǵy arnaıy jospar túrinde jasalynyp qoıǵan.

- Suhbatyńyzǵa rahmet!