Almatylyq er adam jas jigitti jaqtyrmaı qaraǵany úshin óltirgen
ALMATY. QazAqparat – Almaty qalasynyń qylmystyq ister jónindegi mamandandyrylǵan aýdanaralyq sotynda QRQK-niń 99 babynyń 2 bóliginiń 9 tarmaǵymen sotqa berilgen V-ǵa qatysty qylmystyq is qaraldy, dep habarlaıdy QazAqparat tilshisi.
«Sotta anyqtalǵandaı, 2019 jyldyń qyrkúıek aıynyń sońynda keshkisin V. áıeli, kishkentaı qyzy jáne dosymen birge qydyryp júrip, buryn kórmegen, tanymaıtyn jastardyń ishinen olardan kózin almaı tesilip qarap turǵan adamdy baıqaıdy. Onyń nege sonsha qaraısyń degen suraǵyna, J. sol suraqpen jaýap bergen»,- dep habarlaıdy Almaty qalasynyń qylmystyq ister jónindegi mamandandyrylǵan aýdanaralyq soty.
Olardyń arasynda janjal týyndaıdy. Sol mezette V. sómkesinen bákisin sýyryp alyp, J-nyń keýde tusyna tórt ret pyshaq suǵady. Jábirlenýshi aýyr dene jaraqatyn alyp, emhanada kóz jumǵan.
Sot úkimimen V. kináli dep tanyldy. Oǵan 15 jylǵa bas bostandyǵynan aıyrý jazasy taǵaıyndalyp, jazasyn qylmystyq-atqarý júıesindegi qaýipsizdigi barynsha joǵary mekemesinde óteý belgilendi.
Úkim zańdy kúshine engen joq.
