Almatylyq depýtat Atakent aýmaǵynda jataqhana salýǵa qarsy
«Bul jerde eki olımpıadalyq júzý basseıni, jattyqtyrý jáne gımnastıkalyq zaldar, voleıbol alańdary jáne taǵy basqalary bar. Sonymen qatar keshende 120 oryndyq qoǵamdyq tamaqtaný jáne jeke qyzmet kórsetetin sporttyq jataqhana salynýda. Bul ne bolady? Demalys saıabaǵynyń ortalyǵynda jańa sporttyq jataqhana salyna ma? Qalaǵa qajet pe? Adamdar tamaqtanady, qyzmet kórsetiledi, ıaǵnı kólik qatynaıdy degen sóz», - dep jazady depýtat Facebook-tegi paraqshasynda.
Sondaı-aq S.Ponomarev atap ótkendeı, almatylyqtar skverler men saıabaqtarda aǵashtyń kesilýin qashanda qarsylyqpen qabyldaıdy. Al bul jerde ruqsatpen 14 qaraǵash pen 4 qaraǵaı kesilgen. Onyń ornyna 140 japyraqty jáne 40 qylqan japyraqty aǵash otyrǵyzylmaq.
«Meniń oıymsha, bul jataqhananyń qurylysyna jol bermeý kerek, jaqyn mańda Baızaqov kóshesiniń boıynda úlken jataqhana bar. Atakentte jataqhana kerek pe?», - deıdi ol.
Qalany josparlaý jáne ýrbanıstıka basqarmasynyń málemetinshe, Tımırıazev kóshesinde ornalasqan jer ýchaskesi jekemenshik ıelikte.
«Memlekettik qyzmet kórsetý aıasynda menshik ıesi zańsyz salynǵan ǵımarattardy buzyp, «Delfın» dene shynyqtyrý-saýyqtyrý keshenin qaıta salý boıynsha joba aldyndaǵy qujattamany aldy. Joba boıynsha jabyq júzý basseıni, eki jabyq kópsalaly zal, sportshylarǵa arnalǵan 30 oryndyq jataqhana salý kózdelgen. Jumystar buryn ıelengen jerdiń shekarasynda josparlanǵan», - dep habarlady basqarmadan.
Foto: facebook.com
