Almatylyq dárigerler júrek tusyna pyshaq suǵylǵan adamdy aman alyp qaldy
ALMATY. QazAqparat – Almatydaǵy jedel járdem aýrýhanasynyń dárigerleri júregi men ókpesine pyshaq suǵylǵan er adamdy qutqaryp qaldy, dep habarlaıdy QazAqparat tilshisi.
Almaty turǵynynyń aıtýynsha, ol tanysymen sózge kelip qalǵan. Pyshaq jaraqatyn sol kezde alǵan. Er adam aýrýhanaǵa óte aýyr jaǵdaıda túsken.
«Mundaı jaǵdaıda naýqasqa jedel kómek kórsetý óte mańyzdy. Árbir mınýt sanaýly. Er adam birden ota bólmesine jetkizildi. Hırýrgter toby torakotomııa otasyn jasady. Bul keýde qýysyn ashý, júrek jarasyn tigý jáne sol jaq ókpeniń jaraqattaryna da operatsııa jasaldy. Ol shamamen tórt lıtr qan joǵaltqan. Ota kezinde patsıentke 11 doza qan men plazma quıyldy»,– dedi bas dárigerdiń orynbasary Ońlasyn Ibekenov.
Operatsııa bir jarym saǵatqa sozyldy.
Hırýrg, reanımatolog jáne hırýrgııalyq bólim qyzmetkerleriniń úılesimdi jumysynyń nátıjesinde naýqas 10-shy kúni aýrýhanadan qanaǵattanarlyq jaǵdaıda shyǵaryldy.
