Almatylyq dárigerler júkti áıel jatyrynan iri isikti alyp, ana men bala ómirin saqtap qaldy

ALMATY. QazAqparat – Ortalyq qalalyq klınıkalyq aýrýhana dárigerleri júktiliktiń 20-aptasynda áıeldiń jatyr tútikshesindegi óte úlken isikti alyp tastady, dep habarlaıdy QazAqparat tilshisi.

Aýrýhana baspasóz qyzmetiniń málimetinshe, 28 jastaǵy patsıent aýrýhanaǵa «analyq bezi kıstasy» degen dıagnozben túsken. Іsiktiń dıametri 35 santımetrge jetip, kólemi 9 aılyq júktilikpen teńesken.

Gınekologııa bólimshesiniń meńgerýshisi Almat Qońyrquljınovtyń aıtýynsha, dárigerler mundaı úlken kıstany buryn-sońdy kezdestirmegen.

Tájirıbeli hırýrgter isik kólemi iri bolǵandyqtan, laparotomııalyq operatsııa jasaý týraly sheshim qabyldady. Ota kezinde kıstadan 10 lıtrge jýyq suıyqtyq alynǵan.

«Operatsııa sátti ótti. Dárigerler áıeldiń reprodýktıvtik organdaryn ǵana emes, ishtegi náresteni de saqtap qaldy. Qazir olardyń ómirine tóngen qaýip tolyǵymen seıildi», - deıdi Almat Qońyrquljınov.

Ota mindetti áleýmettik medıtsınalyq saqtandyrý sheńberinde jasaldy.