Almatylyq dárigerler jasy 70-ten asqan qarııanyń asqazanynan qaterli isikti alyp tastady
Almaty qalalyq qoǵamdyq densaýlyq saqtaý basqarmasynan habarlaǵandaı, Ortalyq qalalyq klınıkalyq aýrýhanaǵa 73 jasar patsıent asqazanynan qan ketýmen aýyr kúıde túsken. Barlyq qajetti tekseristen soń, uıqy bezinde óskin týyndaýmen asqazannyń qaterli isigi dıagnozy qoıyldy. Óskin mólsherli 6 sm boldy.
Osydan soń PhD doktory Jasulan Baımahanovpen patsıentke qaterli isikti alyp tastaýmen kúrdeli operatsııa jasaldy. Operatsııa barysynda dáriger asqazanyn, uıqy beziniń denesin jáne qaldyqtaryn, qorshaǵan jasýshalary jáne lımfotúıinderimen kókbaýyrdy alyp tastady.
«Qaterli isik asqazannyń epıtelııine zaqym keltirip, asqazan jáne kórshiles aǵzalardyń tinderine óse bastaǵan. Kóbinese, uıqy beziniń tinderine áser etken. Osydan soń uıqy beziniń dıstaldy rezektsııasyn júrgizý arqyly keńeıtilgen gastroektomııa jasalyp, Tsatsanıdı modıfıkatsııasyndaǵy Rý ilmegindegi ezofago-eıýnoanastomoz salyndy. Budan ári tamaqtyń qorytý qyzmetin jasaý úshin óńesh pen ash ishekti biriktirdik», - dedi Jasulan Baımahanov.
Hırýrgtyń aıtýynsha, buǵan deıin aýrýhanada mundaı operatsııa jasalmaǵan. Operatsııaǵa shamamen 4 saǵat ýaqyt ketti. 10 kúnnen soń patsıent ambýlatorlyq emdelý úshin aýrýhanadan shyǵaryldy. Oǵan endi hımıoterapııa kýrsyn ótý kerek.
Aıta keteıik, operatsııa mindetti áleýmettik medıtsınalyq saqtandyrý qarajatynyń esebinen júrgizildi. Sonymen qatar, qazirgi tańda elimizde onkologııalyq aýrýshańdyqtar boıynsha dıagnostıkalaý, emdeý, sondaı-aq, dárilik zattar berý tegin medıtsınalyq kepildengen kómek kólemi tarapynda qarastyrylady. Osylaısha, memleket áleýmettik mańyzdy aýrýshańdyqty emdeý jaýapkershiligin ózine alǵan.